Сяргей Студзянкоў на Пастаўскім ільнозаводзе працуе даўно. Зарэкамендаваў сябе старанным і добрасумленным механізатарам, які любіць тэхніку, адказна ставіцца да выканання любога даручэння. Асабліва дасканала падыходзіць да рамонту замацаванай за ім тэхнікі і агрэгатаў, бо ведае, што ад гэтага ў многім залежаць вынікі работы ў полі.
Падрыхтоўка да сяўбы даўгунцу пачынаецца з восені, калі вядзецца ворыва глебы. Ранняй вясной распачынаюць яе апрацоўку. Сяргей задзейнічаны на розных работах. Кіраўніцтва прадпрыемства заўсёды ўпэўненае, што выканае іх хутка, а галоўнае — якасна. Калі ўборка льну завяршаецца, Сяргей пераходзіць слесарам-наладчыкам у цэх па перапрацоўцы трасты і пільна сочыць за работай абсталявання.
Анна Анішкевіч
