Візітнай карткай любой нацыі з’яўляецца мова. Каб захаваць яе, трэба захапляцца ёй і як мага часцей на ёй размаўляць. На Пастаўшчыне жыве шмат прыхільнікаў беларускай мовы. Яны яе не толькі любяць, але і дасканала ведаюць. Пра гэта сведчыць перамога нашых зямлячак у рэспубліканскім конкурсе навукова-даследчых работ навучэнцаў і студэнтаў «Вы паслухайце родную мову: жаўруковаю песняй звініць…»
Конкурс праводзіла рэдакцыя часопіса «Роднае слова» сумесна з Інстытутам мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі. Яго мэта — захаванне духоўнай спадчыны народа, павышэнне моўнай кампетэнцыі носьбітаў беларускай мовы, грамадзянска-патрыятычнае выхаванне моладзі.
Па выніках конкурсу навучэнка СШ №1 Вікторыя Зелянкевіч атрымала дыплом II ступені, Марыя Насевіч з варапаеўскай СШ — III ступені.
Віншуем пераможцаў конкурсу і іх настаўнікаў Галіну Іжмайловіч і Мікалая Атрахімовіча!
Анна Анішкевіч
