Крыху больш за тыдзень застаецца да самага маладога дзяржаўнага свята Беларусі — Дня народнага адзінства. Тое, што сёння мы як ніколі павінны быць разам, прадэманстравала сустрэча старшыні Пастаўскага раённага аддзялення Беларускай партыі «Белая Русь» Веранікі Казлоўскай з работнікамі СШ №3, Пастаўскага дзяржаўнага каледжа і УП ЖКГ, якая адбылася 4 верасня.
На мерапрыемства — а праходзіла яно ў трэцяй гарадской школе ў фармаце адкрытага дыялогу — былі запрошаны 10 членаў «Белай Русі», якія нядаўна ўступілі ў яе. Кіраўнік рэгіянальнага аддзялення павяла з імі гаворку пра перспектывы развіцця партыі ў нашым раёне, яе папаўненне маладымі, актыўнымі ў грамадскім жыцці людзьмі. Таксама ўдзельнікам дыялогу былі ўрачыста ўручаны членскія білеты палітычнай арганізацыі.
Сёння ў радах «Белай Русі» на Пастаўшчыне 84 чалавекі. 25 з іх пакуль не атрымалі афіцыйнага пацвярджэння свайго партыйнага членства. Білеты ім Вераніка Леанідаўна ўручыць у найбліжэйшы час. Ужо запланаваны аналагічныя гэтай сустрэчы з работнікамі тэрытарыяльнага цэнтра сацыяльнага абслугоўвання насельніцтва, рэдакцыі райгазеты «Пастаўскі край», СПЦ Пастаўскага раёна, СШ №2 імя Н. М. Асяненкі і райвыканкама.
Алена Шапавалава
