Асаблівасць азімага ячменю ў тым, што паспявае раней за іншыя зерневыя і зернебабовыя. З ячменных палёў і стартавала жніво на Пастаўшчыне. Пачалося яно сёлета на тыдні тры раней, чым звычайна.
Пад азімы ячмень у раёне адведзена 3 472 гектары. Гэта амаль у тры разы больш, чым было летась. На павелічэнне пасяўной плошчы пайшлі асэнсавана, таму што культура сябе апраўдала: яна ўстойлівая да засухі. Найбольшы ячменны клін у ААТ «Камайскі-агра» — 1 000 гектараў. У мінулым годзе было 400 га. З кожнага тады атрымалі 41,6 цэнтнера. Сёлета пакуль убіраюць участкі не з найвышэйшай ураджайнасцю і намалочваюць у сярэднім па 25 цэнтнераў з гектара. Рэкардсмен па ўраджайнасці — ААТ «Хацілы-агра», дзе атрымліваюць амаль 42 ц/га. У ААТ «Кураполле-агра» — 28. Звыш 22 цэнтнераў на круг намалочваюць на палях ААТ «Навасёлкі-Лучай», «Янавіца-агра».
На сельгаспрадпрыемстве «Дунілавічы-агра» хлебаробаў праводзілі ў поле работнікі мясцовага Дома культуры. Традыцыйны зажыначны сноп і каравай яны ўручылі дырэктару гаспадаркі Андрэю Сарапененку.
Падчас уборкі галоўная ўвага ўдзяляецца яе якасці і выкананню тэхналагічных патрабаванняў. Пасля азімага ячменю наступіць чарга азімага рапсу. Потым аграрыі возьмуцца за асноўныя зерневыя культуры.
Анна Анішкевіч
