Парафіяльны фэст у гонар Святога Арханёла Міхала, які з’яўляецца нябесным апекуном варапаеўскай парафіі, адбудзецца 30 верасня.
З яўрэйскай мовы Міхаэль азначае «хто як Бог». Гэты святы стаіць на чале нябесных войскаў і разам з імі змагаецца супраць злога духа, які імкнецца разбурыць сям’ю Божую і ёсць прычынай маральнага заняпаду і падзелаў. Таму шчыра запрашаю вас, дарагія браты і сёстры, прыехаць да нас на парафіяльны фэст і звярнуцца да Арханёла Міхала з просьбай, каб суправаджаў і дапамагаў на жыццёвым шляху, ажыўляў веру, міласэрнасць і надзею. Пачатак святой Імшы ў 12 гадзін.
Ксёндз Эдуард Сінкевіч, пробашч варапаеўскай парафіі
