Здольныя якасна вырашаць задачы
Пракурор сёння — гэта прафесія высокага ўзроўню. Яе прадстаўнікі стаяць на варце нацыянальнай бяспекі, суверэнітэту і канстытуцыйнага ладу нашай краіны. Найважнейшай функцыяй органаў пракуратуры з’яўляецца падтрыманне дзяржаўнага абвінавачвання па крымінальных справах, а таксама кантроль за выкананнем заканадаўства. Вельмі важны і пачаты Генеральнай пракуратурай крымінальны працэс па расследаванні фактаў генацыду насельніцтва Беларусі падчас Вялікай Айчыннай вайны, мэта якога — устанавіць усіх вінаватых, у тым ліку тых, каму ўдалося пазбегнуць адказнасці за забойства мірных жыхароў, катаванне, масавы згон насельніцтва ў рабства.
У гэтым працэсе ўдзельнічаюць усе пракурорскія работнікі краіны. Сваёй штодзённай працай яны заклалі надзейны фундамент для захавання законнасці і правапарадку ў кожным рэгіёне. Дзякуючы ім грамадзяне могуць адчуваць сябе пад надзейнай абаронай закону.
Яго верхавенства на Пастаўшчыне забяспечвае невялікі, але дружны і высокапрафесійны калектыў пракуратуры Пастаўскага раёна ў складзе пракурора Аляксандра Козіча, яго намесніка Ігара Ластоўскага і старшых памочнікаў Тамары Зубко і Вячаслава Галяка. Разам яны здольныя якасна вырашаць любыя пастаўленыя перад імі задачы.
Алена Шапавалава. Фота аўтара
