Дарагія браты і сёстры ў Хрысце!
Езус, якога ўкрыжавалі, уваскрос! Ён увайшоў праз замкнёныя дзверы, стаў паміж тымі, хто аплакваў Яго, паміж вучнямі, поўнымі трывогі і страху, і сказаў: «Спакой вам!» Ён паказаў раны на руках і нагах, на баку: гэта не дух, гэта Ён, той самы Езус, які памёр на крыжы і быў пахаваны. Бачачы недаверлiвыя погляды вучняў, Ён паўтарыў: «Спакой вам!»
У гэты велікодны, але такі неспакойны час нашы погляды таксама поўныя недаверу. Мы бачым, як непадалёк палае неба, абрываецца жыццё нашых братоў-хрысціян, як мяняецца свет вакол кожнага з нас. Не дзіўна, што нашы сэрцы таксама напоўненыя трывогай і страхам і нам цяжка паверыць, што Езус сапраўды ўваскрос, што Ён перамог смерць.
Але гэта праўда! Сёлета як ніколі моцна гучыць так патрэбнае нам велікоднае абвяшчэнне: «Хрыстос уваскрос! Сапраўды ўваскрос!» Нам патрэбны Укрыжаваны, Які ўваскрос, каб верыць у перамогу любові, каб спадзявацца на мір. Сёння больш чым калі-небудзь патрэбны Той, хто прыйдзе, стане паміж намі і зноў скажа нам: «Спакой вам!»
Шаноўныя вернікі! Жадаю вам спакою Хрыста, мужна несці Добрую Навіну ў штодзённым жыцці, грунтавацца на Божых запаведзях, быць адкрытымі на Праўду. Бо Праўда перамагае смерць і паўстае з мёртвых! Хрыстос уваскрос!
З дарам малітвы ксёндз-дэкан Павел Самсонаў, пробашч парафіі Езуса Міласэрнага
Паважаныя вернікі каталіцкай канфесіі!
Шчыра віншуем вас з Вялікаднем! Гэта свята мае вялікі духоўны сэнс, сімвалізуе сабой перамогу дабра над злом, сцвярджэнне праўды, чалавекалюбства. Сэрцы вернікаў напаўняюцца любоўю, надзеяй і верай. Прытрымліваючыся добрай хрысціянскай традыцыі, людзі з радасцю сустракаюць гэты дзень, з адкрытай душой вітаюць адно аднаго.
У гэта светлае свята жадаем усім моцнага здароўя, душэўнай моцы, упэўненасці ў заўтрашнім дні. Няхай яно сагрэе вашы сэрцы цеплынёй, прынясе ў сем’і шчасце і дабрабыт!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
Дорогие земляки!
Поздравляю вас со светлым праздником Пасхи! Этот день наполняет нас ликованием жизни, торжеством победы и неиссякаемой любовью. Христово Воскресение содействует духовному укреплению нашего народа.
В этот святой праздник желаю вам и вашим близким светлой пасхальной радости! Пусть она наполнит сердца и станет основой нашей жизни. Берегите её, несите близким и незнакомым людям, делитесь щедро — и радость приумножится в каждом! Мира, здоровья, долголетия и благополучия!
Павел Сильчёнок, депутат Палаты представителей Национального собрания Республики Беларусь