Заўжды мабільныя і манеўраныя
Аэрадром «Азёркі» — адна з трох пляцовак, на якіх круглы год дзяжураць паветраныя судны авіяцыі МНС Беларусі. Штат авіяцыйнага атрада, які базіруецца ў Паставах, узначальвае палкоўнік унутранай службы Алег Ярома.
Калектыў заўжды гатовы папярэдзіць і ліквідаваць любую надзвычайную сітуацыю: патушыць пажар, знайсці чалавека, які згубіўся, праверыць, ці ўсё ў парадку ў лясным фондзе або на Дзяржаўнай граніцы Беларусі. Мала хто ведае, але пажарныя авіятары нават дастаўляюць у дзяржаўныя клінікі органы для трансплантацыі. І заўжды ад іх мабільнасці і манеўранасці залежыць канчатковы вынік. Каб прыйсці на дапамогу, у любую хвіліну ўзнімуць у неба вінтакрылую машыну камандзір звяна на верталётах АS-355 і Мі-8 падпалкоўнік унутранай службы Ігар Раманаў, інжынер-аператар бартавы капітан унутранай службы Ігар Гуданец і інжынер бартавы маёр унутранай службы Аляксандр Цяляк.
Фота Веранікі Філановіч
