Вось дык клубень — 871 грам! Вырас ён на агародзе Святланы і Аляксандра Адамковічаў з аграгарадка Хацілы. Ды і іншыя мала ўступаюць яму. «Пад калівамі клубняў няшмат, але ўсе яны буйныя, — расказвала гаспадыня. — Эксперыментуе з гатункамі і даглядае пасевы бульбы мой муж. «Бела росу» садзім не першы год, яна заўсёды добра родзіць».
Гатунак ультраранні, таму Адамковічы ўжо сабралі ўраджай. А з такіх клубняў можна хоць штодня гатаваць дранікі.
У сям’і Марыны і Уладзіміра Шырневічаў з вёскі Лучай трое дзяцей. Малодшаму, Косцю, усяго 6 гадоў, але і ён ужо стараецца дапамагаць бацькам. Асабліва падабаецца малому разам з мамай упраўляцца ў цяпліцы. А як радасна бачыць вырашчаны ўраджай!
Чакаем новых здымкаў!
