Дом «расце»
Узвядзенне шматкватэрнага дома па вуліцы Зялёнай, 26, у райцэнтры выйшла на новы этап. На гэтым тыдні будаўнікі «Рассвета Пастаўскага» распачалі на аб’екце мантаж кроквеннай сістэмы даху.
Яшчэ ў верасні мінулага года на гэтым месцы не было нічога, акрамя грунту. А зараз узвышаецца 60-кватэрная пяціпавярхоўка. На сёння цалкам завершана цагляная кладка дома, атынкавана 50% кватэр, вентыляцыйная шахта і фасад будынка, засцеклены 3 паверхі, падведзены інжынерныя сеткі.
— 30 кватэр будзем здаваць з чыставой аддзелкай. 6 з іх прызначаныя для камерцыйнага выкарыстання, 8 будуе для сваіх работнікаў малаказавод, — праводзіў экскурсію па будпляцоўцы галоўны інжынер ДКУАБП «Рассвет Пастаўскі» Славамір Кухальскі. — Зараз на ўзвядзенні дома задзейнічаны каля 60 чалавек — цесляры, тынкоўшчыкі, муляры, аддзелачнікі.
Да якой брыгады ні падыдзем, нязменна чую: «Гэта брыгада — найлепшая ў вобласці!» альбо «Гэтым майстрам няма роўных у рэспубліцы!» Пытаюся ў Славаміра Здзіслававіча, чым жа выклікана такая высокая ацэнка?
— Брыгада Сяргея Дзіковіча можа ўсё: яна выконвае цяслярныя работы, асвоіла ўкладку гамагеннага пакрыцця для падлогі. Яно нагадвае лінолеум, але больш шчыльнае, — адказваў галоўны інжынер. — Брыгадзе Дзмітрыя Рамановіча па сілах усе аддзелачныя работы. Яна выконвае іх хутка і якасна. Муляры на чале з Анатоліем Волкавым спрактыкаваліся яшчэ і на ўкладцы тратуарнай пліткі і бардзюраў. І ўсе пералічаныя брыгады прафесійна робяць цагляную кладку.
Адзелачнымі работамі на аб’екце кіруе Андрэй Драбовіч, а сантэхнічнымі — Мікалай Янковіч. Адказны за будаўніцтва дома прараб Аляксандр Танана.
Разам з «рассветаўцамі» на будпляцоўцы задзейнічаны электрыкі ЗАТ «ПаставыЭнерга» і будаўнікі кампаніі «Відол» з Полацка. Першыя робяць чарнавую праводку, другія заліваюць сцяжкі пад чыставую падлогу.
Здача аб’екта запланавана на ліпень.
Вераніка Філановіч. Фота аўтара
Читайте также:
Новосёлковской СШ присвоено имя Героя Социалистического Труда Олега Володько
Поставские велолюбители приняли участие в беговеломарафоне «Тропа викингов» (+видео)
В 2020 году на мемориальной плите братской могилы в Воропаево появились три новых имени
