Пазбавіцца ад лішняга і зарабіць на гэтым
Маецца на ўвазе здача другаснай сыравіны, якую прымаюць усе магазіны Пастаўскага філіяла Віцебскага аблспажыўтаварыства.
У кожнай сям’і нават за тыдзень збіраецца некалькі пустых пластыкавых або шкляных бутэлек, слоікаў, макулатуры. А за месяц ці цэлы год?
Вясна — самы час пазбавіцца ад непатрэбнага — ачысціць свае дамы і кватэры, гаспадарчыя пабудовы. Амаль усе маюць машыны, таму можна без праблем загрузіць гэту і іншую другасную сыравіну ў багажнік, адвезці ў магазін і атрымаць за яе грошы. Калі не маеце ўласнага транспарту або жадання займацца гэтым, пазваніце на нумар 8(029)505-18-00 або 4-10-99, і нашы работнікі прыедуць і забяруць «тавар».
З 1 красавіка гэтага года павысіліся цэны на другасную сыравіну. Зараз мы плацім за 1 кілаграм чыгуну 66 капеек, стальнога сартаванага лому — 60, несартаванага — 55, бытавой тэхнікі — 25, макулатуры — 17, поліэтыленавых бутэлек і плёнкі — 10, шклабою — 8 капеек. Разумею, што гэта няшмат, але ж нездарма ў народзе кажуць, што капейка рубель беражэ. І якой бы ні атрымалася агульная сума, яна ніколі не будзе лішняй у сямейным бюджэце. Чым загрувашчваць уласную прастору рэчамі, якія ўжо ніколі не спатрэбяцца, ці проста выкідваць іх на сметнік, лепш здаць нарыхтоўшчыкам на перапрацоўку і атрымаць пэўную выгаду.
Андрэй Дрозд, першы намеснік дырэктара Пастаўскага філіяла Віцебскага аблспажыўтаварыства
Читайте также:
Как в Поставском районе решают проблему пустующих домов и когда их можно будет купить за 29 рублей?
Нагрузка была большой. Но результаты радовали. Бывший ветврач колхоза «Знамя Победы» Герард Шпаков
В Поставах активизировались работы по благоустройству. Что изменится?
